Faqja e parë Rreth nesh Seria BFS Librat e Botuar Titujt e Serisë BFS Libraritë Links

ENGLISH

Shtëpia Botuese Beselidhja është një shtëpi botuese jofitimprurëse e literaturës së krishterë, e regjistruar si Fondacion në bazë të legjislacionit shqiptar. Ne tregojmë shumë kujdes në përzgjedhjen e librave të ekuilibruar, që i përkasin drejtimit kryesor të mendimit të krishterë dhe që shmangin qëndrimet ekstreme. Po ashtu, ne i jemi përkushtuar përkthimit, redaktimit dhe botimit cilësor.

Kredoja jonë e besimit

Kredoja jonë e besimit është e njëjtë me atë të VUSH-it.

Ne besojmë në:

- Shkrimin e Shenjtë si të buruar nga Perëndia, të frymëzuar në mënyrë hyjnore, të pagabueshëm, plotësisht të besueshëm; dhe në autoritetin e tij përfundimtar në të gjitha çështjet e besimit dhe të sjelljes.

-  Një Perëndi, që ekziston përjetësisht në tre persona, At, Bir dhe Frymë e Shenjtë.

-  Zotin tonë Jezus Krisht, Perëndia i shfaqur në mish, lindjen e tij nga një virgjëreshë, jetën e tij njerëzore të pamëkat, mrekullitë e tij hyjnore, vdekjen e tij fitimtare dhe shpërblyese, ringjalljen e tij trupore, ngritjen e tij në qiell, veprën e tij ndërmjetësuese dhe kthimin e tij personal në fuqi dhe lavdi.

-  Shpëtimin e njerëzve të humbur dhe mëkatarë me anë të gjakut të derdhur të Zotit Jezus Krisht, nëpërmjet besimit dhe jo nga veprat, dhe rilindjen nëpërmjet Frymës së Shenjtë.

-  Frymën e Shenjtë që banon te besimtari, i cili i mundëson atij të bëjë një jetë të shenjtë, të dëshmojë dhe të punojë për Zotin Jezus Krisht.

-  Unitetin e Frymës në të gjithë besimtarët, Kishën, trupin e Krishtit.

-  Ringjalljen e të shpëtuarve dhe të humburve; ata që janë shpëtuar, për në ringjalljen e jetës; ata që nuk janë shpëtuar, për në ringjalljen e dënimit.

Vizioni ynë

Ne duam t'i shërbejmë të gjithë komunitetit të krishterë në Shqipëri dhe më gjerë, duke botuar në gjuhën shqipe libra reference, shpjegime të sakta të tekstit biblik, libra teologjie, të cilët do të pasurojnë dhe bekojnë jetën dhe shërbimin e pastorëve, predikuesve, udhëheqësve të kishave shqiptare, të cilët do të jenë më të aftë për përsosjen e shenjtorëve, për veprën e shërbimit dhe për ndërtimin e trupit të Krishtit, derisa të arrijmë të gjithë te uniteti i besimit dhe i njohjes së Birit të Perëndisë, te një njeri i përsosur, në masën e shtatit të plotësisë së Krishtit” (Ef 4:12).