Familja

Shtëpia botuese Beselidhja po i sjell shoqërisë shqiptare këshillat e psikologëve amerikanë më të njohur në fushën e marëdhënieve familjare.

Libri i parë i kësaj serie mbi "marëdhëniet familjare" është

Si t'i tregosh vërtetë dashuri fëmijës tënd nga Ross Campbell.

"Si t'i tregosh vërtetë dashuri fëmijës tënd" është një best-seller (libër shumë i shitur) me famë ndërkombëtare. Në këtë edicion është shtuar edhe një kapitull shumë i rëndësishëm mbi trajtimin e zemërimit të fëmijës. Përveç kësaj, dr. Campbell shppjegon tri gjëra thelbësore, të cilat do ta ndihmojnë fëmijën tuaj për të gjetur dashur dhe shëndet emocional:

- prekja fizike

- kontakti sy më sy

- vëmendja e përqëndruar

Parathënia e librit nga Roy dhe Fiona Castl

Ky është një libër praktik për rritjen e fëmijëve, por në botën e sotme rritja e tyre ashtu siç duhet, nuk është gjë e lehtë. Ky libër trajton çështjet reale të të qenurit prind.

Prindërit nuk janë trajnuar për të qenë prindër, dhe kështu rritja e fëmijëve duket se është diçka që bëhet në mënyrë të shkujdesur. Edhe ‘sukseset’ duket sikur ndodhin rastësisht. Ky libër do t’i fusë prindërit në drejtimet e duhura për stilin e sotëm të jetës.

Autori, Dr. Ros Kampbell, tregon fusha të ndryshme ku fëmijët do të njohin dashurinë e vërtetë; sidomos përmes kontaktit sy më sy, prekjes fizike dhe ‘vëmendjes së fokusuar’. Ai na kujton pyetjen ‘A më do?’, që fëmijët duket se e bëjnë shpesh nëpërmjet mënyrave të ndryshme të sjelljes së tyre. Ai shkruan me ndjeshmëri për disiplinën dhe vendin e saj në familje. Dhe i gjithë shkrimi i tij vendoset brenda një kornize të krishterë – që jo vetëm jep përgjigje të rëndësishme, por edhe mundohet të gjejë një mënyrë realiste për të shijuar një marrëdhënie më të thellë me fëmijët tanë.

Ajo që na tërhoqi më tepër, ishte sinqeriteti i autorit për të treguar jo vetëm parime të shëndosha, por edhe për të paraqitur se si kanë funksionuar ato në jetën e tij familjare. Ai nuk i shmang problemet, por ofron një rrugëzgjidhje, duke na dhënë në të njëjtën kohë raste të dështimeve dhe sukseseve të tij. Qëllimi i librit nuk është që të na dënojë për vendet ku kemi dështuar, por që të na tregojë rrugët më të mira. Ajo që bëhet e qartë, është gëzimi si edhe përgjegjësia e të qenurit prind.

Dr. Kampbell shkruan si psikiatër, por stili i tij e eviton terminologjinë mjekësore dhe flet me gjuhë të thjeshtë. Ne do t’ju rekomandonim që ta lexonit këtë libër, para se fëmijët tuaj të bëhen adoleshentë. Ky është një libër praktik, që ju ngjall dëshirë për ta lexuar dhe rilexuar, ndërsa fëmijët tuaj i afrohen viteve të adoleshencës.

BESELIDHJA Publishing

KP 2907 Tirana Rmano@albmail.com